A V xornada formativa de abordaxe integral da violencia de xénero no ámbito local do Concello de Ribadeo este ano tiveron como obxecto central de debate e reflexión a violencia simbólica.
Aquela violencia máis difícil de detectar, pero máis agresiva polo daño que provoca. Como decía Bordieau “ unha violencia que xa non mata corpos pero escraviza mentes ”. A violencia simbólica defínese como as formas de violencia non exercidas directamente mediante a forza física, senón a través da imposición por parte dos suxetos dominantes aos suxetos dominados dunha visión do mundo, dos roles sociais, das categorías cognitivas e das estructuras mentais. Constitúe unha violencia doce, invisible, que ven exercida co consenso e o descoñecemento de quén a padece, e que esconde as relación de forza que están debaixo da relación na que se configura.
Medio centenar de profesionais participaron esta finde semán nas xornadas. O 37% pertencían ao ámbito sanitario, o 31% ao ámbito educativo, o 16% ao ámbito da psicoloxía, pedagoxia, socioloxía…, ao ámbito xurídico un 10% e un 1% respectivamente ao ámbito dos corpos policiais, dos persoal dos medios de comunicación e do estudantado.
O alcalde e a concelleira de igualdade na inauguración das xornadas
Nestas xornadas falamos desas violencias invisibles que tamén son violencia de xénero. Francisca, profesora de Dereito do Traballo e da Seguridade Social disertou sobre o acoso sexual e o acoso por razón de xénero como dúas formas de violencia de xénero. Unha violencia multidimensional e a veces difícil de visibilizar e de percibir incluso nas persoas que a sofren. Exemplificaba cómo o mero feito de colar nun local de traballo carteis pornográficos, pode ser un caso de acoso sexual para a traballadora que ten que convivir con ese tipode ilustracións que lle incomodan e que ela non pegou. Falaba cómo existía gran número de casos de acoso sexual non só realizados polo xefe ou superior xerárquico, senón polos propios compañeiros e inclusive polos subordinados. O venres rematamos a xornada con Carlos Lomas, catedrático de lingua e literatura, ensaista e investigador que nos falou das novas masculinidades alternativas ao modelo tradicional e patriarcal e do efecto nocivo da publicidade en canto aos roles e estereotipos utilizados. Unha muller cambiante que logra acceder ao mundo laboral, que pode ter ou non aficcións tradicionalmente masculinas rachando cos roles asinados ás mulleres tradicionalmente fronte a uns homes que non consiguen cambiar e mudar o seu modelo de masculinidade. Nin vítimas nin verdugos outra sociedade é posible, así titulou Lomas a súa ponencia de Carlos Lomas.
Relatorio de Carlos Lomas
O sábado comenzamos coa filóloga e profesora na Universidade da Coruña, Goretti Sanmartin. Subliñou na súa exposición cómo existía un símil claro entra a falta de vontade do uso do galego e o uso dunha linguaxe non sexista. Sanmartin tamén recalcou cómo a cuestión tan utilzada nos últimos tempos respecto á liberdade individual no uso dos idiomas non é maís que comodidade por parte das persoas que se negan e resisten a cambiar ou a modificar os seus comportamentos, neste caso empregando un uso correcto da linguaxe, un uso inclusivo, onde as mulleres e os homes aparezan reflexados en igualdade de condicións. Despois, Ianire Estebanez, unha psicológa especilizada na mocidade e ciberactivista comentou os usos que fan os mozos das redes sociais e dos perigos que supoñen, tanto polo risco de sufrir acoso sexual como polo control que exercen as parellas sobre os contidos publicados.
Relatorio de Ianire Estebanez
E despois pola tarde, Manuel Lopo falounos dos riscos para a saúde que ten ser muller maltratada.Rosa Cobo por motivos persoais de última hora non puido estar con nós, pero quédanos pendente outra cita con ela para poder escoitar as súas sempre interesantes e lúcidas opinións. Rematamos coa proxección da curta galardoada na III edición de concurso cinematográficos, “ Os tempos cambian, e as persoas tamén”.
Até as próximas xornadas, grazas a todas as persoas que asistichedes e as relatoras e relatores por compartir con nós as vosas experiencias e coñecementos.