Ao longo do mes de outubro, a Fundación Isonomía porá en marcha catro cursos de formación continua e permanente dirixidos ao profesorado.
“A igualdade e o xénero: nova materia curricular”, “Recursos para preveer a violencia de xénero desde as aulas”, “Pon nota en igualdade” e “Claves para un uso non sexista da linguaxe e a comunicación” son as accións formativas coas que Isonomía pretende favorecer a incorporación da igualdade como elemento de calidade no ámbito educativo.
Os cursos son en liña e están abertos ao profesorado dos distintos niveis educativos de todo o estado. Están financiados polo Ministerio de Educación (o custe da matrícula é gratuito para o profesorado) e enmárcanse dentro da programación de actividades estatais de formación permanente do profesorado durante o ano 2010.
As personas interesadas poden formalizar a matrícula até o 20 de outubro, seguindo as instruccións que se amosan no seguinte enlace: http://isonomia.uji.es/registro_d/
Ribadeo Muller 
Soamente son cursos para o profesorado en activo? Eu son opositora neste momento e gustaríame poder acceder a eles. Hai posibilidade se non se cubren as plazas cos activos? Agradezo a información. Un saúdo
Os cursos son abertos,non é preciso reunir a condición de docente/a, só que no caso do profesorado se lles exime de pagar a matrícula, como un incentivo a participar nos mesmos. Será mellor que lles escribas directamente aos da fundación isonimia e que lle preguntes polo teu caso en concreto, si poderías acceder no caso de que non se cubran as matrículas. Deixoche o mail e o teléfono desta entidade:
E-mail : isonomia@isonomia.uji.es
Tlfne: 964 72 91 34
Un sáudo