Ribadeo Muller

A pilota catalana Laia Sanz, campeoa da clasificacion feminina no Rally Dakar 2012.

O blog do Centro de Información ás Mulleres de Ribadeo — Wed, 25 Jan 2012 13:38:32 +0000

Os medios de comunicación siguen adicando un espazo ínfimo ao deporte feminino e, en xeral, os éxitos das nosas deportistas non son recoñecidos pola sociedade.
Máis O blogue Ribadeomuller pretende visibilizar a presenza das mulleres en todos os lugares onde está, valorizar o seu quefacer nos diferentes sectores. E tamén queremos contribuír desde esta plataforma a unha equidade na valoración das mulleres nos postos decisorios, públicos, etc. Ben sabedes,que as mulleres, no mundo público temos que demostrar dobremente a nosa valía,

Pois ben, desta volta queremos felicitar a pilota de motos Laia Sanz que ven de proclamarse campeoa na clasificación feminina do Rally Dakar 2012, por segunda vez na súa carreira, sendo a única muller que deu finalizado a carreira na súa categoría e repite o 39 posto do ano pasado. A catalana, Laia Sanz é campiona do mundo de Trial en dez ocasións.

Laia Sanz debutou no 2011 por primeira vez no Rally Dakar, unha das competicións deportivas máis duras de todo o mundo. O ano pasado eran 13 mulleres as que competían e Sanz a máis xoven e logro acadar o liderato na challener feminina e quedou de 41.

Preguntada po la pouca presenza de mulleres no rally : “Creo que pode axudar o feito de que outras mulleres se animen e, cantas máis haxa, máis se animarán outras mozas. Tamén serviron de exemplo á prueba Annie Seel, que corre desde fai moitos anos, e Tina Meier… si se demostra que no Dakar as mulleres tamén podemos correr e ser competitivas, nun futuro correrán máis”.

Segundo a campeona mundial de trial este resultado esconde moito esforzo. “Estou máis satisfeita este ano que o anterior. Foi un rally moi duro nalgunhas fases e as circunstancias que me tiven que vivir na carreira complicaron todo un pouco máis. Síntome moi satisfeita cómo pilotei e naveguei. Coido que din un paso adiante moi importante.

O Observatorio da Mariña pola Igualdade organiza unha charla Informativa sobre a nova regulación das traballadoras do fogar.

O blog do Centro de Información ás Mulleres de Ribadeo — Mon, 23 Jan 2012 12:53:13 +0000

Con motivo do novo regulamento do réxime das traballadoras do fogar que entrou en vigor o pasado 1 de xaneiro, o Observatorio da Mariña pola Igualdade organiza unha charla informativa para expoñer os novos cambios que acaban de entrar en vigor o pasado 1 de xaneiro.

A charla informativa terá lugar o próximo mércores, 25 de xaneiro, ás 18.30h na Casa das Letras de Ribadeo.

Contárase coa presenza da Asociación de empregradas do fogar Xiara. Mercedes Andrade e Teresa Rodríguez, portavoces da mesma, serán as encargadas de poñernos ao día sobre as novas modificacións lexislativas en relación ás contratacións, retribucións, afiliación, alta/baixa na seguridade social, cotizacións á seguridade social, etc. do réxime das traballadoras do fogar. É unha boa oportunidade para clarexar as dúbidas que teñades, tanto as traballadoras do fogar, que agora estades nunha situación de incertidume, como as empregadoras empregadores para saber qué pasos tedes que tomar para regularizar a situación das vosas empregadas domésticas. Hai de prazo até o mes de xuño.

Evidentemente, que esta nova regulación supón un paso de cara a equiparación de dereitos do traballo doméstico asalariado. Máis o Decreto aprobado non supón a aplicación do Estatuto dos Traballadores ás traballadoras do fogar. Hai que seguir demandando e traballando para ampliar os dereitos laborais das traballadoras até que se consiga a equiparación co resto dos sectores.

Magistralia convoca a cuarta edición do Certame de Creación Musical para Mulleres.

O blog do Centro de Información ás Mulleres de Ribadeo — Wed, 18 Jan 2012 10:03:09 +0000

Pola visibilidade das mulleres na música
Magistralia convocou IV edición do concurso internacional de creación musical para mulleres compositoras. Esta actividade, de carácter bienal, ten como obxectivo visibilizar o traballo das mulleres na música. Da mesma forma preténdese fomentar a programación de repertorio contemporáneo e realizado por mulleres, nas orquestas españolas. Máis de cen obras de compositoras dos cinco continentes concurren a este concurso internacional.
A primeira edición deste certame celebrouse no 2006, onde se contou con representación dos catro continentes- agás África.,sendo a galardoada a italiana Alessandra Bellino con “Le gabie di Danae”. Seguiu a xoven china Zhang Quing con ‘Poems orchid pavillion’, e, xa na última edición, a canadiense-tajikistana Farangis Narulla-Khoja con ‘Parparón’.
O xurado do certamen está formado por prestisioxas mulleres tanto compositoras como instrumentistas, musicólogas e directoras. Como media cada edición ten que avaliar e elixir entre unhas cen obras.
Un aspecto moi importante deste concurso é que forza o estreo das obras gañadoras, que é un paso decisivo para as compositoras. Este concurso ten o apoio de WIMUST -Women in music uniting strategies fir talent-, proxecto trienal promovido pola fundación internacional Donne in música, e no Estado Español conta coa colaboración da Asociación Euterpe-Música e Mujeres e a Asociación Mulleres na Música.

Podedes ver as bases do certame aquí.

Apoiemos á baloncestista Diana Taurasi, multada por non levar prendas axustadas.

O blog do Centro de Información ás Mulleres de Ribadeo — Mon, 16 Jan 2012 10:59:59 +0000

Diana Taurasi, considerada por moita xente como a mellor xogadora de baloncesto do mundo, foi a única xogadora dos 23 equipos da Euroliga Feminina de Baloncesto que se opuxo á orde, de vestir un uniforme supostamente máis “feminino”, imposta desde o inicio de tempada, no pasado mes de outubro pola FIBA.

A Federación Internacional de Baloncesto (FIBA) impuxo reducir as tallas das equipacións das deportistas da Euroliga, obrigando a que os shorts e as camisetas sexan máis estreitos, “seguindo as curvas/contorno do corpo”, que a camiseta non tape os hombros, que a anchura do pantalón deixe un máximo de dous centímetros de espazo entre a tela e a pel, e que o pantalón estea sempre como mínimo dez centímetros por riba do xeonllo.
Deste modo, a discriminación que sofren as deportistas profesionais xa non afecta só a súa situación laboral e a súa escasa visibilidad con respecto aos homes. O sexismo alcanza a súa vestimenta. No seu momento houbo críticas e rechazo a tal imposición. Diversas organizacións, entre elas o Consello das Mulleres do Concello de Madrid, levaron adiante accións de denuncia e oposición á medida. A mesma Asociación de Xogadoras de Baloncesto (AJUB), por exemplo, asumiu nun comunicado “o concepto de espectáculo no deporte”, pero rechazou a decisión da FIBA porque, ao seu xuízo”supón recoñecer unha mentalidade caduca e irrespetuosa dunhas profesionais, ás que se quere mediatizar polo atractivas á vista que poden ser para espectadores máis preocupados pola exhibición dun corpo, que por seguir a xogada no terreo de xogo”. Pero Diana Taurasi é a única xogadora que mantivo a súa postura e polo tanto, foi multada .
O Consello das Mulleres do Concello de Madrid, que xa denunciou o sexismo da FIBA no momento, volve a lembrar que esta norma vulnera o dereito á propia imaxe, pide a retirada inmediata das multas impostas a Diana Taurasi, o pronunciamiento público doutras xogadoras, así como da Asociación de Xogadoras de Baloncesto (AJUB) e o inmediato cese do director xeral da FIBA Europea, Patrick Bauman.
Neste sentido, o Consello das Mulleres do Concello de Madrid, desenvolveu unha campaña de recollida de sinaturas e de envíos de solicitude a distintas autoridades da dita organización, solidarizándose con Taurasi. “a súa valentía debera de servir de exemplo para outras xogadoras xa que a súa dignidade como mulleres deportistas está por riba de condicionamentos sexistas”.

E para este mes, a nosa recomendación literaria é o libro de Aurora Marco, Mulleres na guerrilla antifranquista galega .

O blog do Centro de Información ás Mulleres de Ribadeo — Wed, 11 Jan 2012 11:17:13 +0000

Mulleres na guerrilla antifranquista galega, é o retrato máis completo das que combateron a ditadura no monto ou apoiaron o refuxio, víveres ou armas aos clandestinos. Publicouse a finais do 2011 pola catedrática de didáctica da linguaxe e literatura galega, Aurora Marco, que ao longo de cinco anos estivo seguindo o rastro de 200 guerrilleiras galegas en arquivos, rexistros civís e casas particulares. Moitas delas faleceran, a outras se lles perderá a pista por completo e nos partes de guerra nin siquera aparece co seu nome completo e non era raro que a información biográfica de rigor se lle ngaderan notas como “ a querida de” “ a amancebada con” .

Coa represión, que se xeneralizou co vitoria dos sublevados en 1939, centos de mulleres comprometidas coa guerrilla antifranquista foron asasinadas, encarceradas, torturadas, violadas, recluídas en campos de concentración; tiveron que partir cara o exilio nunha viaxe, para algunhas, sen volta ou viviron un exilio interior: A súa é a crónica das silenciadas, porque foron obxecto dunha dupla falta de memoria: por seren desafectadas ao novo réxime e pola súa condición feminina .

Froito da mesma investigación de Marco é o documental Silenciadas, do que xa falaramos neste blogue nun post anterior. Este documental, dirixido por Pablo Ces, acaba de ser recoñecido cun premio no Festival Internacional de Cine de Dereitos Humáns de Santa Coloma de Gramenet.

Trailer do documental Silenciadas

Esta semán ponse en marcha o servizo de teletraducción a 51 idiomas no Centro de Información ás Mulleres de Ribadeo.

O blog do Centro de Información ás Mulleres de Ribadeo — Tue, 10 Jan 2012 12:37:52 +0000

Os Centros de Información á Muller da provincia de Lugo veñen de incorporar un servizo de teledradución para mellorar a atención ás mulleres e vítimas de violencia de xénero inmigrantes, que ofrece sen custe a Secretaría Xeral da Igualdade. Trátase dos CIMs de Burela, Viveiro, Ribadeo, Monforte e Palas de Rei, que contarán cun novidoso sistema de teletradución a 51 idiomas.

O servizo entrará en funcionamento a vindeira semana, ao abeiro dos convenios de colaboración entre Igualdade e os respectivos concellos.

Tras acreditar a utilidade da teletradución aplicada ao Teléfono de Información á Muller durante un ano, Igualdade decidíu facela extensiva á rede de CIMs de Galicia, ás casas de acollida que asisten ás vítimas de violencia de xénero e ás entidades e ONGs que desenvolven a súa actividade solidaria neste eido. En resposta a este ofrecemento da Administración autonómica, un total de 45 CIMs das catro provincias manifestaron ata o de agora o seu interese en adherirse ao sistema, que sigue aberto para os que no futuro desexen incorporarse.

Unha comunicación verbal eficaz, determinante nos casos de violencia de xénero

As novas características poboacionais derivadas da inmigración motivaron á Administración autonómica a mellorar as técnicas para unha eficaz atención ás usuarias, con independencia da súa lingua. A teletradución está pensada para dar apoio a unha parte da poboación que ten dificultades engadidas para acceder aos recursos existentes, formada polas mulleres inmigrantes residentes en Galicia, e ten entre as principais vantaxes reducir o estrés producido pola barreira idiomática e facilitar unha comunicación verbal máis eficaz, que resulta determinante nos casos de consulta por violencia de xénero.

A través da plataforma de teletradución, estas mulleres terán a seguridade dun acceso axeitado á información e aos recursos dispoñibles, sobre atención psicolóxica, prestacións económicas, centros de acollida ou asesoramento xurídico. O sistema permite ás usuarias comunicarse telefónicamente cunha intérprete, desde calquera centro no que se atopen, ben sexa un CIM, unha casa de acollida ou calquera entidade adherida; así como o establecemento de chamada a tres, para que interactúen a usuaria, a persoa profesional da entidade e a intérprete.

Elixamos os xogos e xoguetes para as nosas crianzas, libres de roles sexistas.

O blog do Centro de Información ás Mulleres de Ribadeo — Wed, 04 Jan 2012 07:56:19 +0000

Nestas datas tan agardadas poloas máis peques, nas que figuras como o Apalpador e os Reis Magos invaden os nosos fogares, hai que ter moito coidado cos xoguetes elixidos.

O xogo imita a vida, pero ten a ventaxa de que nesta actividade o error non está penalizado. Os individuos aprenden os comportamentos sociais á vez que participan deles, e para sentirse aceptados como suxetos socialmente competentes, necesitan ademais, identificarse, ou alo menos aceptar, os roles que dunha ou outra forma a sociedade impón, entre os que encontran os roles de xénero, moi enraizados coa propia identidade.

A través do xogo imítanse condutas, transmítense valores, modelos de comportamentos, actitudes, etc, que van configurando a educación que reciben as nosas fillas e os nosos fillos. Sabemos que todo isto é determinante para a formación e o desenvolvemento da súa personalidade, e para a construción da súa identidade como home ou como muller na sociedade na que van vivir. A idades moi temperás (0 a 3 anos) nenos e nenas xogan indistintamente con diversos tipos de xoguetes que pouco tempo despois uns e outras descartan por considerarlos doutro sexo, perdendo cada un deles e delas a oportunidade de aprender novas capacidades que lles favorezan a convivencia entre sexos, e as e os enriquezan como persoas. Este cambio prodúcese normalmente a partir dos 3 anos, coa incorporación na escola e coa asignación de roles e estereotipos diferenciados para nenas e nenos.

Así que coidemos ao longo de todo o ano a elección dos xoguetes. A concellería de Igualdade de Vigo está a desenvolver unha campaña que persegue sensibilizar á cidadanía fronte ao uso sexista que se está a facer dos xogos e dos xoguetes e vai dirixida a axentes socializadores como a familia, a escola , os medios, as xogueterías , as superficies comerciais..

Fotos de Homes pola Igualdade para o almanaque deste 2012

O blog do Centro de Información ás Mulleres de Ribadeo — Mon, 02 Jan 2012 11:53:03 +0000

Neste primeiro día laboral de ano, desexarvos a todas e todos un 2012 cheo de felicidade e de igualdade. O noso traballo seguirá na dirección de conquerir esa sociedade igualitaria tan desexada. É unha causa de xustiza social. E para todas as persoas que aínda non vos fixechedes cun almanaque de parede para este ano, comentarvos a inciativa do Servizo da Muller do Módulo Psicosocial deDeusto-San Ignacio en colaboración coa asociación de Homes pola Igualdade de Bilbo `Piper Txuriak”.

Un calendario que nos recorda día a día que a igualdade a construimos en cada instante entre todas e todos. Con esta campaña preténdese estimular os homes en xeral a tomar conciencia de que podemos facer moito ante as lacras do maltrato e a desigualdade, e que é a nosa responsabilidade. Ademais ofértanos un modelo máis completo, humano e racional do que significa ser un home, que aquel que nos ensina o modelo patriarcal dominante.

O almanaque podedes velo aqui: calendario2012

Igualdade, o mellor agasallo !!

O blog do Centro de Información ás Mulleres de Ribadeo — Fri, 23 Dec 2011 09:18:23 +0000

Desexarvos unhas felices festas, nas que a igualdade estea presente nos vosos fogares, tanto nos agasallos como na corresponsabilidade nas tarefas domésticas.

Yosi dos Suaves, Barricada, Def con Dos, La Mala Rodríguez, Los Cucas… participan no documental contra a violencia de xénero “Poderías ser ela “

O blog do Centro de Información ás Mulleres de Ribadeo — Thu, 22 Dec 2011 09:24:51 +0000

O Instituto da Muller, a través da Secretaría de Estado ven de presentar o documental ‘Podrías ser ella’ de Isabel Salgado, no que se aborda a violencia de xénero a través de entrevistas e actuacións musicais e conta coa participación de artistas como Alioth, Barricada, Boikot, Def con Dos, Kepa Junkera, Konflikto, Mago de Oz, La Mala Rodríguez, La Sombra, Los Cucas, Lujuria, Reincidentes, Ska-P e Yosi dos Suaves.

Isabel Salgado, a directora da pieza, explicou durante a estrea que o film recupera varias cancións compostas por grupos do panorama musical español ao longo da historia, que abarcan distintos xéneros, pero que manteñén unha temática común: a violencia de xénero.

Heavi, rock, ska, hip hop ou folk da man de artistas cun gran peso no panorama musical español. Todos eles asinaron unha guitarra que será subastada, sendo a súa recadación destinada a unha casa de acollida de mulleres maltratadas. Nesta caso, a música é o fio condunctor dunha historia que aínda agarda o seu final feliz.

Podes velo aquí